Prokuroria e Krimeve të Rënda ka siguruar prova të reja ndaj të dyshuarit Redjan Rraja, i arrestuar pas atentatit në makinën e Prokurorit Arjan Ndoji.
Referuar burimeve të besueshme nga organi i akuzës, “Balkanweb” raporton se Prokuroria ka administruar akt ekspertimin e ADN për Rrajën. Të njëjtat burime thotë se ADN e përftuar në kampionet e marra në tri sende në makinë janë të perputhshme me atë të Redjan Rrajës.
Redjan Rraja, u arrestua si një nga autorët e dyshuar të atentatit ndaj prokurorit Arjan Ndoji, shoferit të tij, Andi Maloku, dhe Aleksandër Lahos alias Pëllumb Muharremit , i njohur edhe si “Rrumi” i Shijakut.
Ndaj tij rëndon akuza për veprat penale “vrasje e funksionarëve publikë”, “vrasje e mbetur në tentativë” dhe “armëmbajtje pa leje”. Ai u arrestua në Shkodër, në pikën kufitare të Hanit të Hotit, në tentativë për t’u larguar drejt Malit të Zi, pasi u zbulua nga gjurmët e gishtërinjve, në mjetin e gjetur nga policia pas atentatit.
g.kosovari
