Rreth orës 23:30 të së martës dy persona janë plagosur me armë zjarri në rrugën “Sabaudin Gabrani”, tek ish kombinati “Misto Mame”.
Nga informacionet paraprake bëhet me dije se kanë mbetur të plagosur shtetasit, Xh. V., 33 vjeç, dhe J. Sh., 25 vjeç.
Policia bën me dije se të plagosurve ju është bërë atentat, pasi në vendngjarje është gjetur një makinë e braktisur e tipit ” Volkswagen Golf”, që dyshohet të jetë e autorëve, gjithashtu janë sekuestruar dhe disa gëzhoja të qitura nga armë zjarri pistoletë.
Nga hetimet e para janë identifikuar autorët dhe policia po kreh zonën me qëllim kapjen e tyre, gjithashtu janë ngritur pika kontrolli në pikat hyrëse dhe dalëse të qytetit.
Të plagosurit janë dërguar në spital dhe ndodhen nën kujdesin e mjekëve, ndërkohë nuk bëhet i ditur shkaku i këtij atentati.
Informacion paraprak nga policia Tiranë
Më datë 11.07.2017, rreth orës 23:29 në numrin e Emergjencave 112 ka ardhur njoftimi për të shtëna me armë në rrugën “Sabaudin Gabrani”, në ish “Misto Mame”.
Menjëherë në vendgjarje kanë shkuar shërbimet e policisë ku ka rezultuar se:
Nga të shtënat me armë kanë mbetur të plagosur shtetasit: Xh. V., 33 vjeç, si dhe J. SH., 25 vjeç.
Shtetasit e plagosur janë transportuar në spital dhe janë jashtë rrezikut për jetën.
Në vendngjarje është gjetur i braktisur një automjet tip Golf që paraprakisht dyshohet se është përdorur nga autorët.
Grupi hetimor ka sekuestruar disa gëzhoja të qitura nga armë zjarri pistoletë.
Grupi hetimor po vazhdon punën për sqarimin e rrethanave të ngjarjes.
Nga veprimet e para hetimore të kryera në vendngjarje policia ka identifikuar autorët e dyshuar, por për arsye hetimi nuk jepen të dhëna të tjera.
Janë ngritur pika kontrolli në hyrje – daljet e qytetit si dhe po krihet zona përrreth me qëllim kapjen e autorit/ b.d
