Deputeti i Partisë Demokratike, Astrit Veliaj i përgjigjet kritikave në adresë të tij nga eksponentë pranë PD. Gjatë një prononcimi për Shqiptarja.com, Veliaj përgenjështron zërat që e lidhin atë me Lëvizjen Socialiste për Integrim si dhe ka edhe një përgjigje për pretendimet lidhur me një takim mes tij dhe kreut të LSI, Ilir Meta.
“Ilir Metën e kam takuar në 2009-ën dhe i kam thënë “Jo”! I kam thënë që do të kandidoj me PD-në. E kam takuar në prani të Çim Pekës dhe që prej atëherë nuk e kam takuar më, as rastësisht. Me Edi Ramën s’jam takuar kurrë, përveç me Fatmir Mediun të cilin e kam mik. Të tjerat janë shpikje dhe fantazi e tyre. Kjo pasi njëherë më bëjnë me Ramën dhe njëherë me Metën…! Është fantazi e tyre”, u shpreh Veliaj.
Ai shton se kryetari i PD, Lulzim Basha duhet të reflektojë për sugjerimet e tij lidhur me drejtimin e PD, duke i mëshuar edhe njëherë idesë së themelimi të një partie të re.
