Në 9 shtator u mbushen 4 vjet nga vrasja makabre në qendër të Vlorës e gjykatësit Skerdilajd Konomi.
Por edhe pas 4 vitesh nuk ka ende asnjë pistë, asnjë autor, asnjë të pandehur. Sot 4 vjet më pas, edhe familja Konomi nuk ka më as fuqi, as shpresë.
Në një intervistë për gazetën DITA, bashkëshortja e gjykatësit të vrarë thotë:
“Jam tejet e lodhur dhe e ngarkuar! Dëshira jonë e vetme sa herë hapim e mbyllim sytë në çdo frymëmarrje tonën është zbardhja e kësaj çështje!
Por kjo nuk është në dorën tonë edhe ju si gazetarë e dini shumë mirë ku mund të pyesni për këtë!
Jo! Familja ka reaguar shumë dhe është bërë veçse objekt përfitimesh për gazetat! Mirë është që gazetat të bëjnë tashme edhe ato punën e tyre ne luftën kundër padrejtësive që nesër pasnesër mund t’u bëhen pjesë e jetës së tyre!
Duhet dhe duhet gjendur përgjegjësi i kësaj ngjarje! Është përgjegjësi e të gjithëve!
“Shumë thonë që nuk do drejtësia! Po pse?? Po mua jo më kanë vrarë, por më kanë shkatërruar gjithë jetën time”– shprehet Enkelejda Konomi
