Kryetari i Komisionit për Marrëdhënie me Jashtë në Senatin e shteteve të Bashkuara, Bob Menendez, ka thënë se nuk duhet të ushtrohet padrejtësisht trysni ndaj Kosovës, ndërsa ka shprehur shqetësimin se asociacioni mund të krijojë paqëndrueshmëri. Menendez në një intervistë për Zërin e Amerikës ka theksuar se çelësi i stabilitetit në Ballkanin perëndimor është një marrëveshje përfundimtare midis Kosovës dhe Serbisë.
“Duket qartë se kemi shumë punë për të bërë. Ne jemi të shqetësuar. Kjo është një pjesë e rëndësishme e botës dhe Evropës. Historia na tregon se atje konfliktet mund të ndizen me shpejtësi. Është e rëndësishme të bëjmë atë që duhet dhe të sigurohemi që të mos ushtrojmë padrejtësisht trysni ndaj vendeve si Kosova, për shkak të dëshirës tonë për të parë një zgjidhje përfundimtare. Duhet të jetë një zgjidhje e drejtë”
Duke iu referuar ndikimit në Bosnje dhe Hercegovinë të së ashtuquajturës “Republika Serbe”, Menendez tha se asociacioni mund të bjerë ndesh me Kushtetutën e Kosovës.
“Jam i shqetësuar për disa nga propozimet, siç është asociacioni i komunave serbe dhe gjasat që kjo mund të sjellë paqëndrueshmëri, në vend të qëndrueshmërisë. E kemi parë në të kaluarën në vende të tjera. Nëse ato nuk strukturoren siç duhet, mund të krijojnë paqëndrueshmëri”,
Menendez i bëri këto komente pas seancës dëgjimore për Ballkanin Perëndimor të Komisionit për Marrëdhënie me Jashtë në Senatin amerikan.
/a.r
