Pas vendimit të qeverisë për të ndërprerë fondet për Akademinë e Shkencave deri në momentin e reformimit të saj, ka ardhur reagimi i Gudar Beqirajt.
Në një intervistë, kreu i votuar i Akademisë së Shkencave deklaroi se të gjithë janë pro reformimit të këtij institcioni. por se ai nuk mund të bëhet pa fonde.
“Të gjithë anëtarët e Asamblesë së Akademisë së Shkencave po diksutojnë me përgjegjësi duke analizuar edhe atë që thotë kryeministri dhe atë që ne duam të bëjmë. Ne jemi të gjithë unison që të bëjmë reformë në Akademinë e Shkencave duke bashkëpunuar me qeverinë. Kjo është e gjitha që po diskutohet”, u shpreh kryetari Akademisë së Shkencave.
Më tej ai tha se sa i përket vendimit të qeverisë, ende nuk ka marrë ndonjë dokument zyrtar.
“Sa i përket asaj që thuhet që ne nuk kemi gjë zyrtare, pra prerjen e buxhetit të Akademisë së Shkencave është i njëjti mendim i unifikuar që kjo nënkupton mbylljen e Akademisë që besoj nuk do të ndodhë kurrë. Reformimi i Akademisë nuk mund të bëhet pa para”, tha Gudar Beqiraj.
a.ç
