Policia e Shkodrës vijon aksionin për goditjen e tentativave për kultivim të bimëve narkotike.
Sipas asaj që bën të ditur policia bazuar në inteligjencën policore dhe monitorimin nga ajri me dronë dhe toka me patrulla këmbësore, janë lokalizuar dhe asgjësuar 12 203 bimë e fidanë të dyshuara narkotike, të llojit cannabis sativa.
Nga këto bëhet e ditur se 455 bimë narkotike u asgjësuan në njësinë administrative Pult, Shkodër ku nisi procedimi në gjendje të lirë për inxhinierin e pyjeve.
11 748 bimë narkotike janë kapur në njësinë administrative Temal, Vau i Dejës, ku u proceduan kryeplaku i fshatit Kllogjen, si dhe dy vrojtues pyjesh.
Vijon puna për identifikimin, kapjen dhe ndjekjen penale të autorëve të këtyre rasteve.
