Asgjësohen 5780 bimë kanabis, arrestohet një grua

Një sasi e konsiderueshme lëndë narkotike e llojit kanabis sativa është zbuluar ditën e sotme në Vlorë. Policia e qytetit bregdetar, ka bërë të mundur zbulimin dhe asgjësimin e rreth 5780 bimëve narkotke kanabis sativa ndërsa është arrestuar një 54 vjeçare.

Sipas policisë lënda narkotike me lartësi deri ne 65 cm u zbulua në dy sera në fshatin Oshtimë, në afërsi të pyllit, e vendosur në kubikë dhe gati per tu mbjellë në tokë.

Nga hetimet e kryera rezultoi se serat ku u gjet lënda narkotike janë në pronësi të Bujar Kamberaj. Hetimet kanë zbuluar se në këtë veprimtari kriminale është përfshirë edhe bashkëshjortja e tij Shqiponja Kamberaj, 54 vjeç banuese në fshatin Oshtimë e cila u arrestua në flagrancë.

Gjithashtu Policia ka bërë të mundur identifikimin e autorëve të tjerë të dyshuar si të përfshirë dhe ka shpallur në kërkim pjesën tjetër të familjes përkatësisht bashkëshortin e të arrestuares, Bujar Kamberaj, 59 vjeç, si dhe dy djemtë Helis Kamberaj, 31 vjeç, Henea Kamberaj, 27 vjeç .

Policia po punon për kapjen e peronave të shpallur në kërkim.