Astrit Çerma, një nga aktorët e njohur shqiptar, i cili ka lindur e jetuar në Elbasan, por që prej vitesh ka emigruar në SHBA, është prononcuar për incidentin e sotëm që prishi ditën e verës, nga provokimi i disa militantëve të PD-së.
Çerma, i cili gjithë jetën e tij ka qenë aktor i teatrit “Skampa” dhe që është mjaft aktiv në rrjetet sociale, ka shkruar në faqen e tij në Facebook: “Nuk dua të di në jan “të djathtë” apo “të majtë”…
Janë elbasanlli, dhe si elbasanlli, TURP TË KENË që përbaltin ditën e bukur të festës që elbasanllijt i ka bashkuar të gjithë, mysliman, ortodoks, bektshij, katolikë…
Këta janë plehrat e Elbasanit…
Fshihini nga rrugët e sheshet dhe gëzoni festën siç e keni gëzuar qindra e mijëra vjetë
A.Çerma…”.
Astrit Çerma, përveç aktor është edhe poet.
Ai studioi për aktor në Tiranë dhe pas studimeve u rikthye në qytetin e lindjes. Menjëherë fillon një karrierë të vrullshme dhe të suksesshme në kinema, duke interpretuar në filmin e tij të parë “Brazdat” (1973). Në vitet ’70 luan disa role protagoniste, si në filmat “Në fillim të verës” (1975), “Ilegalët” (1976), “Thirrja” (1976), “Fije që priten” (1976), “Ata ishin katër” (1977) etj.
