Gazetari Artan Hoxha ndau disa arsye se përse sipas tij, asnjë nga kandidatët që ishin për t’u zgjedhur kryeprokuror, nuk ishte i duhuri.
Ai thotë se prokurori i Përgjithshëm sot ndihet i kërcënuar dhe kërkon mbrojtje.
“Asnjë nga tre kandidatët nuk është i duhuri për tu zgjedhur kryeprokuror”, tha Hoxha.
“Pres nga kryeprokurori i ri të tregojë se është një lider dhe është i aftë të kthejë besimin e qytetarë te organi i akuzës.
Sfida e tij më e madhe sot është trupa e Prokurorisë, sepse sot ato u ngjajnë emergjencave civile.
Prokurori i zgjedhur duhet të motivojë këtë trupë prokurorësh që ka në dispozicion.
Duhet t’ju a bëjë të qartë që ky vend nuk ka mënyrë tjetër shpëtimi”, tha Hoxha.
Më tej ai shton se prokurorët që nuk kanë kaluar Vettingun janë një nga arsyet që kanë sjellë dështimin e shumë çështjeve.
“Kryeprokuroi i zgjedhur ditën e sotme Olsian Çela duhet të bëjë një filtrim të drejtuesve të prokurorëve që ka në dispozicion. Ai duhet të zgjedhe ekipin e tij me kë duhet të punoje”, tha Hoxha.
Ndër të tjera ai shton se Çela duhet të ja bëjë të qartë mazhorancës dhe gjithë klasës politike që të mos guxojnë të fusin hundët të detyra e tij.
“Urgjentisht duhet të hartojë një strategji komunikimi me qytetarët, duhet ta bëjë punën e Prokurorisë transparente”, tha Hoxha.
Hoxha u ndal edhe te Arta Marku.
Sipas tij, Arta Marku nuk i rezistoi dot presioni dhe u përlye në të.
“Shqipëria ndodhet në një situatë jo normale në sistemin e drejtësisë, kemi korrupsion në administrate, pandëshkueshmëri të personave politikë.
Prokurori i Përgjithshëm duhet të administrojë trupën e prokurorëve, ne na duhet një lider.
Gara u ngushtua me kaq pak emra, shumë emra të mirë vendosën për të mos hyrë në garë sepse nuk e përballonin dot presionin”, tha ndër të tjera Hoxha.
