Nuk ka kthim pas, ne kemi çarë sistemin dhe jemi forca e tretë politike në vend. Kështu u shpreh kreu i koalicionit Nisma Shqipëria Bëhet Adriatik Lapaj në “Çdo kënd” me Merita Hakjan. Sipas tij numri i votave i përkthyer në mandate ka nxjerrë lakuriq sistemin, pasi sipas tij Partia Socialiste ka marrë 10 mandate qyl. Ai thotë se të njëjtat vota që ka marrë si koalicioni i tij ashtu dhe PS në Vlorë e tregojnë më së miri këtë, ku kjo e fundit ka 9 mandate dhe Nisma Shqipëria Bëhet vetëm 1 mandat.
“Rezultati që ka marrë me vota me atë në mandate, ka marrë qyl 10 mandate që ia ka siguruar sistemi. Kjo tregon qartë që ajo që kemi thënë për sistemin e padrejtë, është e vërtetë. E dyta ne kemi marrë 64268 vota të numëruara të cilat janë përkthyer në një mandat, ndërkohë PS në Vlorë ka marrë vota njësoj sa ne dhe ka marrë 9 mandate. Kemi nxjerrë lakuriq sistemin. Ne kemi hyrë që të bëjmë kontrastin me sistemin se ndryshimi nuk është gjë e lehtë, por kontrastin do e bëjmë shumë të fortë. Jemi në disporporcion total”, tha Lapaj.
Edhe pse targeti i vendosur prej tij ishte të merrnin 300 mijë vota, Lapaj thotë se priste një rezultat më të mirë se brenda vendit, por edhe në diasporë. Ai thekson se ka lënë pas 48 parti të tjera dhe renditet forca e tretë politike në vend.
“Ne hymë në një garë me 53 parti politike. Nuk e aspiroja këtë rezultat, unë akoma i aspiroj përkundrazi e marr si rezultat që duhet lexuar dhe do shkojmë përpara. A do ta arrijmë në zgjedhjet e tjera mbetet për t’u parë kemi hyrë në politikë që një ditë të drejtoj Shqipërinë. Në këto zgjedhje vendosëm si target 300 mijë vota. Është rezultati më i mirë i marrë, kemi lënë 48 pas. Nuk ka kthim pas se ne e duam këtë që bëjmë e kemi pasion këtë. Sistemi është çarë, ne kemi hyrë në parlament, kemi marrë vota sa askush nuk kishte marrë më parë. Nëse kur e nisëm ishim 25 djem e vajza, të gjithë na shihnin në mënyrë të çuditshme. Sot është fakt që kemi ë rrugëtim dyvjeçar. Të dhënat na kanë renditur të tretët si forcë politike dhe koalicion i tretë politik në vend. Kemi gjithë motivin për ta çuar përpara. Kam pritur një rezultat më të mirë brenda dhe shumë më të lartë nga vota e diasporës”, theksoi në A2 CNN Lapaj.
Lapaj shprehet i vendosur dhe i motivuar për të vijuar më tej betejën e tij dhe thotë se në kaq pak kohë ka imponuar dhe iniciuar procese ndryshimi. Duke nisur nga pensionet për të cilat Lapaj thotë se do nuk do të ndalen derisa sa Rama të mbajë premtimin.
“Është fakt që në 34 vite tranzicion jemi forca e parë antisistem që hyn në zgjedhje jemi forcë e tretë politike që marrim një numër të tillë votash imponojmë standarde të komunikimit publik kur nisëm diskursin për pensione 200 euro Rama thoshte që është e pamundur, ndërkohë një muaj para fushatës doli e tha që pensioni minimal do të jetë 200 mijë lekë ne nuk do t’i ndahemi. Shkuam te energjia ne thamë do ta bëjmë sa Kosova, u ul me 10 lekë dhe në të gjitha u imponuam që te vota e diasporës. Ndryshimin nuk ndodh brenda ditës, por ne kemi iniciuar procese ndryshimi”.
Ky eshte nje felliqesire i pacipe, ne sherbim te kenetes 24/7. Ju kujtohet deklarimi i ketyre se do i zinin deren me kembe PS-se pas zgjedhjeve?! Legen i mjere!