Dy persona u prangosen ne Berat, në kuadër të operacionit “AZILANTI 4“, të akuzuar për trafik klandestinesh.
Policia njofton se prangosi Hektor Gole, 31 vjeç dhe Manxhar Shehu, 33 vjeç, te dy banues në Tepelenë.
Arrestimi i këtyre shtetasve u bë pasi, në bashkëpunim me njëri-tjetrin, po kalonin nëpërmjet kufirit të gjelbër 4 shtetas shqiptarë në mënyrë të paligjshme (kundrejt pagesës 650 euro për person) drejt Greqisë.
Gjithashtu është shpallur në kërkim shtetasi K.G, 58 vjeç.
Në lidhje më këta shtetas në muajin Prill 2016 është regjistruar procedimi penal me Nr. 207 i ndjekur me metoda speciale të hetimit.
Gjatë operacionit janë sekuestruar në cilësinë e provave materiale:
1 automjet,
8 aparate celularë,
300 euro,
3 pasaporta biometrike,
1 pajisje për skanimin e pasaportave.
Materialet i kaluan Prokurorisë së Rrethit Gjyqësor Berat, për veprën penale “Ndihmë për kalim të paligjshëm të kufijve“ kryer në bashkëpunim, parashikuar nga neni 298/ 3 i Kodit Penal.
Panorama/d.i.
