Safet Bajri, i njohur ndryshe si “i forti” i Shkodrës është arrestuar këtë të premte me urdhër të SPAK. Avokati i Bajrit ka deklaruar se ai është paraqitur vetë në drejtorinë e policisë së Shkodrës, pasi është thirrur për verifikim për të marrë ADN-në, ku dhe e kanë arrestuar dhe më pas nisur drejt Tiranës.
Lidhur me këtë ngjarje ka folur në “Tirana Live” gazetarja Bleona Sari, e cila u shpreh se SPAK kërkoi arrestimin e tij për vrasjen e Fatbardh Licit në 2018.
Ajo theksoi se në Shkodër janë tre grupe rivale, Bajrat, Liçët dhe Bilalajt dhe ka pasur mbi dhjetë të vrarë.
“Vetë zoti Bajri u shpreh se ishin para të mbledhura për vajzën 10 muajshe, ndërkohë prokuroria ka pasur dyshime. Ndërsa, theksojmë që SPAK kërkoi arrestimin e Bajrit për vrasjen e Fatbardh Licit në 2018.
Siç kemi raportuar dhe më parë, Safet Bajri dhe familja e tij kanë qenë nën hetim për vrasjen e Licit. Ndërkohë vetë Shkodra njihet për tre grupet rivale dhe hetimet e atentatit kanë zbuluar detajet e antatit. Edhe familja Bajri janë në hetim sepse kanë pasur hakmarrje me njëri-tjetrin. Ka pasur mbi dhjetë të vrarë nga tre grupet. Është një sagë vrasjesh mes Bajrave, Liçëve dhe Bilalajve. Shpresoj të kemi një sheshim të kësaj situate sepse ka pasur dhe shumë viktima”, tha ndër të tjera gazetarja
