Gazetari i njohur Martin Leka, i ftuar në emisionin “Real Story”, tha se në dukje të parë arrestimi i Erion Veliajt e ka kapur në befasi PS dhe kryeministrin Rama, por gjithsesi ai beson se kjo ndodhi nuk ndikon në numrin e votave për PS në Tiranë.
Ai tha se Veliajt është faktor elektoral në Tiranë, por nuk shikon pasoja për PS.
“Në pamje të parë duket se PS dhe Edi Ramën, arrestimin i Erion Veliajt i ka kapur në befasi. Unë mendoj se Rama, sidomos Edi Ramas kreu i qeverisë, duhet të jetë i informuar se llafet që Veliaj do arrestohet në fund të nëntorit, ishte me ditë, me orë, kanë qarkulluar, mund të ishte i përgatitur dhe sot të ishte më i qartë edhe ai edhe PS, edhe opozita madje, edhe ajo është e paqartë. Mendoj se në pamje të parë, ai tregon se Veliaj ka forcë elektorale në Tiranë. Jam skeptik për forcën elektorale. Sepse vazhdoj të mendoj se forca elektorale e dy partive të mëdha, PS dhe PD është pikërisht tek dy persona, që Edi Rama dhe Sali Berisha. Në ditën e tretë, sepse tre ditë zgjat çudia më e madhe në Shqipëri, do kemi të qartë pikërisht edhe këtë, që Edi Rama nuk humb vota edhe nga kjo”, tha ai.
