Kreu i qeverisë Edi Rama tha drejtësia të bëjë punën e saj, por nga ana tjetër është në të drejtën e tyre që të kërkojnë prova, në lidhje me arrestimin dhe akuzat ndaj Erion Veliajt.
Teksa ishte në ceremoninë e 105-vjetorit të shpalljes së pavarësisë së Tiranës, Rama u shpreh se hedhja e shifrës prej mbi 80 mijë euro shpenzime për fustane, është e qëllimshme.
“Për mua ajo që ndodh në udhëkryqet e kanaleve të mbrëmjes është rrugaçëri. Është ngritja e llumit të gojës në piedestal. Është triumf i shpifjeve, shkatërrimit të çdolloj personi për të vetmin faj që bën, që është person publik.
Në ato udhëkryqe, unë i sfidoj që të bëjnë një kërkim dhe ta gjejnë një tjetër forcë politike në Evropën ish-Lindore, në rajon, nuk kanë për ta gjetur dot. Ta gjejmë një forcë politike që në 5 vjet rresht ka qepur gojën dhe ka thënë ‘keni mbështetjen tonë’.
Nëse Erioni dhe e shoqja kanë blerë 98000 mijë euro fustane dhe bizhuteri ne nuk kemi çfarë diskutojmë. Por kemi të drejtën të kërkojmë prova. Ne kemi të drejtën të themi që në ndërkohë , hedhja e kësaj shifre në mexhelis është e absolutisht e qëllimshme”, tha Rama.
