Kryetari i PD, Lulzim Basha, ka komentuar pak minuta me pare arrestimin e kryetarit te Bashkise Lezhe Fran Frrokaj, i cili akuzohet per megafalsifikim me tokat ne plazhin “Rana e Hedhun” ne Shengjin. Ky i fundit eshte funksionar lokal i zgjedhur nga PD. Basha ka nenvizuar se kerkohet qe hetimi ndaj tij te jete transparent dhe jo politik, si dhe ka uruar qe Frrokaj te jete i pafajshem.
“Qëndrimi i im dhe i PD është që të gjithë të jenë të barabartë para ligjit. Ne kërkojmë që hetimi të jetë transparent, jo politik dhe i paanshëm. Shqiptarët meritojnë një drejtësi të pastër dhe jo të kapur nga axhenda politike, të drejtuar nga njëri krah politik kundër tjetrit” deklaroi Basha në një deklaratë nga selia e PD.
Pak pas mbledhjes me anëtarët demokrat të Komisionit Hetimor për çështjen ‘Tahiri’, Basha theksoi se ka një presion të madh politik që hetimi në fjalë të mbyllet.
“Bashkë me anëtarët e Komisionit Hetimor për çështjen Tahiri kemi kryesor sot konsultim e parë për t’ju paraprirë takimit të parë ditën e hënë. Në rastin e Saimir Tahirit ra shteti, pushuan së ekzistuari të gjitha institucionet ligj zbatuese. Qëllimi i komisionit hetimor është për të zbuluar se çfarë ndodhi, për të mos lejuar kurrë që shteti të kapet nga krimi. Ne do të hetojmë se ndodhi që kupola e policisë u kthye në organizatë kriminale dhe askush nga qeveria nuk reagoi. Si dhe pse ndodhi që vendi u mbulua me drogë dhe asnjë institucion shtetëror nuk reagoi dhe s’bëri asnjë përpjekje për ta ndaluar. Prokuroria duhet të bëjë punën e saj për të hetuar grupin kriminal Habilaj-Tahiri dhe bashkëpunëtoret. Duhet ta bëjë në mënyrë të paanshme dhe të pandikuar. Po bëhet presion i madh politik për të mbyllur çështjen Tahiri. Nuk mund të ketë drejtësi selektive. Nuk mund të ketë drejtësi nëse Tahiri, Dakot, Gjiknuri, Ahmetajt, Sejdini dhe një grusht kryebashkiakësh dhe zyrtarë të lartë të korruptuar të kësaj qeverie të akuzuar për vepra të rënda kriminale, nuk do të dalin para drejtësisë. Sot dua t’u them shqiptarët se ne urojmë dhe shpresojmë që Fran Frrokaj të jetë i pafajshëm. Qëndrimi im dhe i PD është i pandryshuar, të gjithë duhet të jenë të barabartë para ligjit, nga qytetarët e thjeshtë tek politikanët më të lartë. Ne kërkojmë që hetimi të jetë transparent, dhe jo politik dhe i pandashëm. Shqiptarët meritojnë një drejtësi të pastër dhe jo të kapur dhe të ndikuar nga axhenda politike për drejtësi selektive ndaj një krahu politik në favor të një krahu tjetër”, tha Basha.
