Përfaqësuesi i mazhorancës në tryezën e Këshillit Politik, Damian Gjiknuri ka pranuar se pas arrestimeve të ditës së sotme në Durrës në kuadër të dosjes 339 është e provuar se komisionerë të të gjitha partive kanë tjetërsuar votën.
Ai u shpreh se skema që propozoi PS për një administratë zgjedhore krejtësisht të depolitizuar ishte gardiani më i mirë.
“Çështjet e administrimit zgjedhor nuk u arritën sipas ODIHR, dhe çuditërisht u kërkua sot. Skema që ne kishim në fillim, me administratë të depolitizuar është gardiani më i mirë.
Patët fatin të shihnit sot arrestimet në Durrës ku është provuar tashmë që komisionerë të të gjitha partive kanë tjetërsuar vota.
Ti mendon se problema është fleta e votimit? është problem teknik. Kemi problem principal. Koalicion sipas një modeli proporcional rajonal me lista të hapura. Listat e pjesshme, minimumi 2/3 ”- tha Gjiknuri.
/e.rr
