Një ish-komandant i grupit mercenar rus Wagner, që luftoi në Ukrainë, tha se ka arritur në Norvegji dhe se po kërkon azil pasi jeta e tij ishte në rrezik sepse kishte qenë dëshmitar i vrasjeve dhe keqtrajtimit të të burgosurve rusë të dërguar në vijën e frontit. Andrei Medvedev thotë në një video të postuar nga grupi i të drejtave “Gulagu.net” se kishte kaluar kufirin dhe ishte futur në Norvegji përpara se të ndalohej nga policia norvegjeze.
Andrei Medvedev thotë se u punësua nga grupi mercenar Wagner më 6 korrik të vitit 2022 me një kontratë katërmujore. Ai kishte qënë jetim përpara se t’i bashkohej ushtrisë ruse dhe kishte bërë burg përpara se të punësohej nga Grupi Wagner. Medvedev thotë se u arratis pasi kishte qënë dëshmitar i vrasjes së dezertorëve nga ushtria ruse të kapur nga grupi mercenar.
“Më 6 korrik 2022 nënshkrova një kontratë me këtë kompani (Wagner PMC) dhe u nisa për në Ukrainë. U bëra komandant i skuadrës së parë. Në gusht filluan të sillnin të burgosur nga burgje të ndryshme të Rusisë për të shërbyer në ushtri. Pas ardhjes së të burgosurve, Wagner nuk na kosnideronte më si qënie njerëzore”, thotë ish-mercenari Medvedev gjatë një bisede me Vladimir Osechkin, themelues i grupit të të drejtave “Gulagu.net”. Ish-komandanti kërkoi ndihmën e këtij grupi që të largohej nga Rusia pasi i rrezikohej jeta.
Ai thotë se kaloi kufirin me tela me gjemba dhe u shpëtoi të shtënave të patrullës ruse me qen kufiri ndërsa vraponte nëpër pyll drejt Norvegjisë.
“Di për tre raste, kur të burgosurit e plagosur që tentuan të iknin nga spitalet u qëlluan për vdekje. Gjithashtu, 10 vetë u qëlluan në poligonin e stërvitjes para të burgosurve që sapo kishin ardhur. Qëllimi ishte frikësimi, për atë që mund t’u ndodhë atyre që refuzojnë të luftojnë”, tregon ish-mercenari rus Andrei Medvedev.
Policia norvegjeze tha se kishte arrestuar një shtetas të huaj pasi kaloi ilegalisht kufirin me Rusinë në Arktik më datën 13 janar.
“Rreth orës 01:58 të së premtes u arrestua një person në luginën Pasvikdalen nën dyshimet se ka kaluar ilegalisht kufirin norvegjezo-rus, në zonën Skroeytnes. Një idivid ka kontaktuar me popullatën civile të zonës. Ai u arrestua nga një patrullë kufitare e përbërë nga ushtarë dhe policë”, tha puonjësi i policisë Terjei Sirma-Tellefsen. Policia tha se i ndaluari po kërkon azil por pa dhënë detaje të tjera.
Avokati i tij norvegjez, Brynjulf Risnes, tha për televizonin TV2 se zoti Medvedev kishte kaluar disa orë dramatike.
“Ata qëlluan ndaj tij ndërsa e ndiqnin me qen kufiri. E gjithë ngjarja ngjason me filmat me spiunazh, ku minuta e fundit është vendimtare. Kur kaloi kufirin ai pa dritën e ndezur të një shtëpie dhe vrapoi atje. Aty doli një grua dhe ai i kërkoi asaj që të thërriste policinë e cila mbërriti shumë shpejt”, tregon avokati novergjez.
Ai thotë se klinti i tij ka marrë pjesë në luftën në Ukrainë por se nuk ka patur kontakt me popullsinë civile. Themeluesi i grupit mercenar Wagner, Yevgeny Prigozhin, tha në një dekleratë se zoti Medvedev kishte qënë pjesë e një njësie norvegjeze të Wagner-it dhe se kishte keqtrajtuar të burgosurit.
Në intervistat me rrjetin Gulagu.net, ish-mercenari Medvedev tha se kishte parë vrasje dhe keqtrajtimin e të burgosurve rusë që u dërguan në frontin e luftës nga grupi Wagner. Ai thotë se humbjet ishin të shumta pasi Wagner filloi të dërgonte një numër të madh të burgosurish në front në gjysmën e dytë të vitit 2022.
“Ai ka aplikuar për azil në Norvegji dhe duhet të kalojë të gjithë procesin e analizës, për të verifikuar nëse është ai që pretendon se është dhe nëse po thotë të vërtetën. Është një proces që ndiqet me shumë kujdes nga autoritetet norvegjeze”, thotë avokati Brynjulf Risnes.
/a.r
