Policia e Krujës ka sekuestruar armë zjarri, tritol, krehëra dhe fishekë, duke vënë në pranga një person.
Pas informacioneve të siguruara nga policia se Shaban Tufa 62 vjeç, banues në Krujë, kishte dispononte armë dhe lëndë plasëse, u organizua puna në kapjen e tij.
Gjatë kontrollit të ushtruar në banesën e 62-vjeçarit, në fshatin Grepsë Krujë u gjetën dhe sekuestruan në cilësinë e provave materiale një armë zjarri automatik, një pushkë, një kallëp tritol, 390 fishekë model 56, 54 dhe 25 të kalibrit 9 mm dhe 5 krehëra.
Tufa u arrestua nga policia në kushtet e flagrancës pasditen e kësaj të enjteje, pa bërë rezistencë.
Sakaq në ngarkim të tij materialet iu referuan Prokurorisë së Krujës për veprën penale “Prodhimi dhe mbajtja pa leje e armëve luftarake dhe e municionit”./a.m.
