Policia e Tiranës ka vënë në pranga dy persona pasi iu është sekuestruar një sasi armatimi, tritoli dhe droge.
Si pasojë e një operacioni, Arben Picari 45 vjeç dhe Filip (Përparim) Halili 48 vjeç janë prangosur në kryeqytet.
Këta shtetas u arrestuan sepse në fshatin Marqinet, Vorë, ju gjet dhe sekuestruar në cilësinë e provës materiale, të mbjella në vazo, 29 fidanë bimë të dyshuara si “Cannabis Sattiva”, 28 fishekë të kalibrit 7.62 mm, dy kallëpe lëndë plasëse e dyshuar si C4, dy fitile zjarrpërcjellës me gjatësi 70 cm dhe 165 cm të gjatë, një kapsollë detonatore, targa mjetesh, çelesa të ndryshëm banesash.
