Ekonomisti i njohur Ardian Civici ka vlerësuar buxhetin e Bashkisë së Tiranës për vitin e ardhshëm si një nga më të mirët. Duke folur në mbledhjen e Këshillit Bashkiak, Civici theksoi se ky buxhet jo vetëm është më i madhi, por njëkohësisht edhe 100 % i balancuar.
“Buxhet vjetor i kombinuar dhe i harmonizuar me buxhetin afatmesëm, është garanci më shumë. Garantimi i qëndrueshmërisë financiare është shumë I rëndësishëm në raport me qytetarët dhe transparencën, si nga pikëpamja e paketës fiskale dhe mbi të gjitha se si shpenzohen. Përveçse është buxheti më i madh në historinë e Tiranës, është edhe një buxhet që tregon rritje në vazhdimësi të buxheteve. Ka një rritje edhe krahasuar me 2019 dhe nga ana tjetër, buxheti është 100 % i balancuar”, deklaroi Civici. /e.s/
