Vetem pak minuta me pare kryeministri Edi Rama ka firmosur vendimin per te emeruar Drejtorin e Policise se Tiranes, Ardi Veliu, ne postin e Drejtorit te Pergjithshem te Policise se Shtetit. Propozimi u be nga Ministri i Brendshem Fatmir Xhafaj, i cili me pas mori dhe formen zyrtare me firmen e kryeministrit. Ardi Veliu merr ne kete menuyre drejtimin e Policise, e cila tashme ka hyre ne nje sfide te vertete si ne planin e goditjues kunder krimit ashtu edhe ne planin e reformimit te brendshem te saj nepermjet vetting-ut. Në testin e disa ditëve më parë, Veliu mori gradën “Drejtues i parë” ku fitoi pikët maksimale. Veliu zevendeson ne kete post ish drejtorin e Pergjithshem Haki Çako, i cili u shkarkuar muaj me pare nga kryeministri Rama. Prezantimi i Ardi Veliut pritet të bëhet nga ministri i Brendshëm, Fatmir Xhafaj ditën e martë. Ndërsa më pas do jetë vetë Veliu ai i cili do emërojë edhe drejtorin e ri të Policisë së Tiranës.
KUSH ËSHTË ARDI VELIU:
Drejtori i Drejtorisë Vendore të Policisë Tiranë, Drejtues Ardi Veliu, ka lindur në 2 Mars të vitit 1972 në Delvinë. Eshtë i martuar dhe babai i dy fëmijëve. Nga viti 1987 deri në vitin 1991, kreu shkollën e mesme ushtarake “Skënderbej”.
Nga viti 1991 deri në vitin 1993 ka vazhduar studimet në Akademinë Ushtarake “Skënderbej”, në Tiranë.
Nga viti 1993 deri në vitin 1994 kryen studimet në Akademinë e Policisë në Tiranë.
Nga muaji Janar i 1994 deri në Qershor 1998 kryen studimet në Akademinë e Policisë në Ankara – Turqi.
Krahas këtyre studimeve, diplomohet edhe në Fakultetin e Manxhimit të Biznesit, Universiteti “Ismail Qemali”, Vlorë, studime të cilat i kreu në vitet 2003 -2007 pa shkëputje nga puna.
Eshtë diplomuar gjithashtu edhe në Bachelor Fakulteti Juridik.
Ka përfunduar një sërë kursesh profesionale trajnuese të organizuara nga Pameca, ICITAP dhe OSBE brenda dhe jashtë shtetit, si, në Hungari, SHBA, Poloni, Itali dhe Akademinë e Sigurisë, Tiranë;
Ka përfunduar kursin 8–javor pranë qendrës ILEA, Budapest, organizuar nga ICITAP.
Është një njohës i mirë i gjuhës Turke dhe Angleze.
Karriera profesionale:
Komandant i “Postës së Policisë”, Memaliaj, Tepelenë (1998-1999)
Shefi i Policisë së Rendit, Vlorë (1993-2002)
Shefi i sektorit të “Policisë me Uniformë”, Drejtoria e Policisë, Vlorë (2002-2004)
Shefi i sektorit të Rendit, Drejtoria e Policisë, Vlorë (2004-2006)
Shefi i komisariatit të Policisë, Durrës (2013-2014)
Zëvendësdrejtor për Sigurinë, Drejtoria e Policisë, Tiranë (2014-2015)
Drejtor i Kolegjit te Policise (Shkolla Bazë e Policisë) 2015 -2016
Drejtor i Policise Rrugore ne Drejtorine e Policise se Shtetit 29.07.2016 – 27.04.2017
Nga data 28.04.2017 Drejtor i Drejtorise Vendore te Policise Tirane.
