Ditën e sotme Apeli i GJKKO ka rikthyer në qeli ish deputetin e PS Alqi Bllako, i përfshirë në aferën e inceneratorëve.
Avokati i tij duke folur për mediat tha se gjykata nuk e argumentoi vendimin që e riktheu Bllakon në burg. Ai shtoi se bllako nuk përbën rrezik për të prishur provat apo për tu larguar nga vendi.
Avokati Sokol Hazizaj: Nuk kishte arsye që Apeli të mbante qëndrim ndryshe. Gjykata e Shkallës së parë mbajti qëndrim normal, Apeli mbajti një qëndrim që nuk e ka argumentuar akoma.
E vërteta është se në këtë vend, në këtë gjykatë është kthyer një fabul popullore ; ik se të vrara, dhe zbrit se të vrava.
Hetimi është drejt fundit, Bllako nuk përbën rrezik për prishjen e provave. Ajo qe nuk kuptoj se Arresti në shtëpi dhe në burg është e njëjta gjë. Ndodhi një gjë që se marr vesh.
Alqi Bllako nuk përbën rrezik për tu larguar. Nuk duhet ngatërruar pozicioni procedurial i Bllakos apo dikujt tjetër. Unë rezervoj dhe jam i qartë në rolin që ka pasur i mbrojturi prej meje, nuk ka asnjë shkak që të ndikojë te personat e tjere.
/a.r
