Në hapjen e kësaj anije muze për publikun shqiptar ishin të pranishëm kryeministri Edi Rama, kryebashkiakja e Durrësit, Emirjana Sako, ambasadori i BE në Shqipëri, Silvio Gonzato, ministri i Francës për Europën, Benjamin Haddad dhe zëvendësministrja e Kulturës, Elira Pipa.
Në fjalën e tij, Rama tha se ankorimi në Shqipëri i anijes muze “Art Explora” shihej si diçka e parealizueshme më parë, ndërsa theksoi se vizita e presidentit francez Emmanuel Macron në Tiranë në vitin 2024, ishte e para “që prej periudhës së pushtimit osman”.
“Kur flasim për flamurin francez në këtë kohë bëhet diçka më normale, sepse e ndjenim larg Francën, e shikonte Ballkanin me një lloj distance.
Dua të them se që prej mbërritjes së presidentit aktual në Elize, ka një kureshtje, interes dhe vëmendje drejt Shqipërisë. Patëm dhe vizitën e parë të një presidenti francez që prej periudhës së pushtimit osman. Të thuash që nga krijimi i shtetit është e shkurtër. Për herë të parë një president francez na nderoi me ardhjen e tij dhe do na nderoj përsëri së shpejti”,- tha Rama ndër të tjera.
