Anije të kuqe prej gome në fasadën e një monumenti të periudhës së renesancës në Firence, si pjesë e ekspozitës së artistit disident kinez Ai Weiwei, janë homazh për refugjatët që rrezikuan jetën duke ia mësyrë Evropës me anije të tilla prej gome.
“Kam vizituar shumë kampe refugjatësh në Greqi, Turqi, Siri, Izrael e në Gaza dhe kam biseduar me ata njerëz”, ka thënë Ai Weiwei, i njohur për deklarata të hapura kundër politikave të Qeverisë kineze, për çka edhe ishte arrestuar një herë.
“Ata që janë duke luftuar për lirinë e tyre janë heronjtë e sotëm dhe puna ime nuk është asgjë tjetër pos t’iu tregoj atyre respektin që gëzojnë nga unë”, ka thënë artisti në një konferencë për media, në qytetin italian ku ka prezantuar ekspozitën më të madhe retrospektive.
E titulluar “Ai Weiwei libero”, ekspozita hapet sot (e premte) dhe do të jetë në dispozicion të publikut deri më 22 janar në “Strozzi Palace” në Tuscan. Ekspozita përfshin 60 vepra, nga instilacionet tek skulpturat dhe fotografitë, citon Koha. (b.an)
