Ish-lideri i liberalëve demokratikë Charles Kennedy është gjetur i vdekur të hënën në shtëpinë e tij në lagjen Fort William në malet skoceze.
Kennedy ka ndërruar jetë papritur në moshën 55-vjeçare. Policia ka njoftuar se nuk ka rrethana të dyshimta në lidhje me vdekjen e tij.
Kennedy ishte në krye të Partisë Liberale Demokratike nga viti 1999 deri në 2006. Ishte anëtar i parlamentit nga viti 1983 deri në vdekje. Gjatë mandatit të tij në parti, numri i deputetëve të saj në Dhomën e ulët të parlamentit, i cili numëron 650 vende, është rritur nga 46 në 62.
Gjatë karrierës së tij është spekuluar se Kennedy ishte i varur nga alkooli, gjë të cilën më pas dhe e pranoi.
