Tridhjetë e nëntë trupa u gjetën në konteinerin e një automjeti në një vend industrial në Grays, në jug-lindje të Anglisë. Midis viktimave është edhe një i ri. Shoferi, një 25-vjeçar Irlandez i Veriut u arrestua për vrasje. Autoritetet nuk kanë folur, por media britanike bien dakord të flasin për një tragjedi të lidhur me imigrimin e paligjshëm.
Nga informacioni i parë duket se kamioni erdhi nga Bullgaria dhe hyri në Mbretërinë e Bashkuar të Shtunën e kaluar, nga porti i Holyhead, në Uells.
“Ne kemi filluar të identifikojmë viktimat, por parashikoj se mund të zgjasë shumë,” tha shefi mbikëqyrës Andrew Mariner. “Ne kemi arrestuar shoferin. Hetimet po vazhdojnë.”
