Carlo Ancelotti ka përjashtuar mundësinë që Bayerni të bëjë ofertë për yllin gjerman Julian Draxler.
Mediat gjermane raportojnë se Wolfsburgu është i gatshëm të lejojë largimin e 23 vjeçarit, përkundër që e transferoi në verë nga Schalke për 40 milionë euro, transmeton Koha.net.
Por, Ancelotti ka thënë gjithashtu kampioni i Bundesligës nuk do të bëjë biznes në afatin kalimtar të janarit. “Draxler është një lojtar shumë interesant.
Ai mund të luajë në çdo ekip, por ekipi ynë është i kompletuar.
Nuk do të bëjmë ndonjë blerje në janar, nuk ka afat kalimtar për ne”, është shprehur Ancelotti, raporton Goal, përgatitur nga Express. (b.an)
