Analisti Artur Zheji thotë se është bërë një lojë e dyfishtë me Fredi Belerin, në lidhje me kandidimin e tij për Bashkinë e Himarës.
Në emisionin “Real Story” në ABC News, Zheji u shpreh se Sali Berisha e kandidoi Belerin, duke e ditur se kishte probleme me ligjin.
Ndërkaq, analisti Skënder Minxhozi shtoi se Sali Berisha dhe Ilir Meta, donin që me kandidimin e Belerit, të krijonin tensione në marrëdhëniet Tiranë-Athinë.
Pjesë nga diskutimi
Artur Zheji: Kemi evoluar në rezistencë, pra, jemi zhvilluar në rezistencë, por kemi të njëjtat filtra pa filtra, për të mos lejuar të kalojnë persona të tillë, të cilët janë bombë me sahat dhe krijojnë incidente shumë të rënda. Ky person, po të hapim arkivat, ky person nuk kalonte. Kam një dyshim që është lojë e dyfishtë. Berisha e kandidoi që t’i linte një bombë me sahat Ramës, Rama nuk e pengoi. Ky mendon se kjo bombë do me vrasë mua, por kjo bombë do t’i bëhet boomerag.
Skënder Minxhozi: Ajo e para që tha Zheji, është teza më e mundshme dhe më e besueshme pse dyshja Berisha-Meta, duke parë kontekstin shumë pozitiv të marrëdhënieve që Rama ka vendosur me vendet e rajonit, edhe Greqinë, duke parë raportet që ka vendosur edhe jashtë gadishullit në kontinent, por edhe deri në Uashington, duke e parë që në politikën e jashtme Rama ndihej komod, ata kërkuan, mendoj unë, t’i krijojnë atij një problem në një segment shumë delikat, historikisht, siç janë marrëdhëniet Tiranë-Athinë. Supozoj thashë.
Artur Zheji: Unë e kam pasur dyshim, por dje duke dëgjuar zotin Prençi, ish drejtorin e policisë të Saliut, i cili po thoshte për ketë autogol të tmerrshëm që ka bërë e djathta, nuk mundet që e djathta shqiptare të fitojë Himarën dhe të humbte Shkodrën. Është e rëndë. Une mendoj se një nga arsyet e disfatës së 14 majit, ka qenë që nje pjesë e të djathtës kalsike ka braktisur Berishën. Fakti që Beleri po majisej si një personazh me helenizimin e Himarës, në ketë kuptim, mendoj që situata doli jashtë normales për këtë faze që jemi sot. I ftuari që kisha dje tha, telashet e Belerit sapo kanë filluar.
Skënder Minxhozi: Mund të jetë e rëndë ajo që themi si supozim. Duke folur për gjëra të rënda, nuk e rëndë që kaloi ajo marrëveshje detare që kaloi, dhe të lexojmë atë motivacion të Gjykatës Kushtetuese, që e konsideronte një veprim që do çonte në cënimin e integritetit territorial. Pra, te ky lloj supozimi, duhet të kesh prova, të çon fakti që është e pamudur që dy personazhe me shumë eksperiencë, Sali Berisha, Ilir Meta, kandidojnë me koshiencë një person që e dinë çfarë përfaqëson. Mua më duket i çuditshëm vetë kandidimi.
/f.s
