Në një intervistë për televizionin dhe gazetarin e familjes Berisha, Çim Peka , ish-zv.kryeministri Arben Ahmetaj u shpreh se një grup kriminal ka tentuar rrëmbimin e tij dhe më pas eleminimin fizik.
“Në raport me mua dhe me familjen kanë ndryshuar shumë gjëra ashtu siç ka ndryshuar edhe në realitetin shqiptar, në qarkun e një viti. Ka vazhduar genocidi i thellë, i mirëorganizuar ndaj familjes time.
Unë jua kam shpjeguar dhe juve, jashtë kamerave, po edhe përpara kamerave. E kam thënë, që mënyra se si është vepruar me mua dhe me familjen time është e paprecedent në 30 vite.
Pra, ka pasur një plan brenda grupit kriminal që unë kam përmendur më lart, që e kanë diskutuar, deri në eliminim fizik”, ka deklaruar ai.
