Kryeministri Edi Rama ka mbledhur sot në orën 08:30 Komitetin Ndërministror të Emergjencave Civile për të diskutuar situatën e krijuar nga përmbytjet e ditëve të fundit, pas reshjeve intensive të shiut që kanë prekur disa zona të vendit.
Në një pjesë të deklaratës së tij, Kryeministri Rama theksoi se ky “Nuk është thjesht moti i keq. Shiu nuk ndalet me shpifje, si ato që nuk punojnë hidrovorët.”
Rama nënvizoi se ndryshimi klimatik po rëndon pasojat, siç u duk në Shkozet për shkak të mbeturinave të hedhura në rrugë. Ai u ndal edhe tek kopmensimi i dëmeve teksa ironizoi opozitën.
“Aleatët e shiut na lanë një mal me borxhe sa i përket dëmshpërblimeve ndërsa ne jo vetëm që i shlyem të gjitha, por nuk krijuam borxhe te reja” – tha Rama.
Aktualisht, kryeministri tha se reshjet kanë shënuar deri në 300 milimetra në disa zona, ndërsa në Durrës janë regjistruar 42 mm shi. Rama tha se nga përmbytjet janë prekur 1 mijë e 587 banesa, janë evakuuar 339 persona dhe 51 familje, si dhe janë përmbytur disa institucione si qendra shëndetësore dhe arsimore.
Kryeministri bëri apel për bashkëpunim dhe reagim të koordinuar për të minimizuar dëmet dhe për të përballuar situatat emergjente që mund të vijojnë gjatë valës së motit të keq.
Gjatë mbledhjes së sotme do të shqyrtohen masat konkrete për mbështetjen e familjeve të prekura, si dhe koordinimi i strukturave shtetërore për të garantuar një reagim të shpejtë dhe efektiv ndaj emergjencave.
Mose i neglizho kullat,dhe invesitoret strategjike,kto jane objektivat primare,per banden tuaj te ps.Me qe sjeni marre,me kanalet kulluese ktu e 35 vjete,me mire ruani ato para,perseri per kullat,ngjite me kullat do ju bejne edhe varret,o i pa ngopur,ti dhe hajdutet tuaj.
Enveri fillonte pastrimin e kanaleve kulluese që në gusht. Guxonte njeri të mos bëheshin? Sot bëhen dëme me miliona çdo vit për neglizhence dhe nuk i hyn gjemb në këmbë njeriu. Administrata objektiv të parë ka nxjerrjen e mai leku me korrupsion, pa për punë thua ti? Kush punon?