Deputetët e Listës Serbe mund të zëvendësohen nëse për 6 muajt e ardhshëm nuk do të marrin pjesë në seancat e Kuvendit të Kosovës.
Megjithatë, analistët politikë vlerësojnë se një gjë e tillë nuk do të ndodhë pasi që, sipas tyre, deputetët e partisë serbe do t’i kthehen punës së legjislativit.
“Unë nuk besoj se ata nuk do të përjashtohen, pasi që do të kthehen.
Këtë e kanë si spekulim politik për të nxitur reagime të ndryshme, për ta hiberbolizuar këtë çështje që është elementare, shtetërore”, ka deklaruar njohësi i çështjeve kushtetuese Riza Smaka.
“Unë po frikësohem se kryeministri Isa Mustafa do të bëjë koncesione për t’i joshur që të kthehet Lista Serbe, e cila do të ketë pasoja natyrisht. Këta nuk e kanë bërë aty për aty veprimin, por natyrisht me plan afatgjatë”, referon Zëri. (b.an)
