Kryeministri Edi Rama gjatë takimit për amnistinë fiskale ka replikuar me zv.amabasadorin e BE-së në vendin tonë, Alexs Hupin. Ky i fundit i tha Ramës se paratë e shqiptarëve që jetojnë në BE duhet fillimisht të vërtetohet që janë të ligjshme dhe më pas të futen në Shqipëri.
Kryeministri i tha se janë të gatshëm të punojnë, por nuk duhet t’i thonë mos guxoni ta bëni amnistinë fiskale.
Ju folët për faktin që edhe shqiptarët që janë në BE të kualifikohen për këtë amnisti. Janë tatimpagues edhe të shteteve tona, ndaj është shumë e rëndësishme që të sigurohet ligjshmëri e këtyre sigurimeve para se të futen në Shqipëri.
Presim me padurim që të punojmë me ju sesi të vëmë mekanizmat e duhur të kontrollit për rezidentët shqiptarë që qëndrojnë në BE.
Në shumë vende amnistia fiskale është gatuar si e tillë, por kryesisht për të ardhurat që lidhen me fiskalitetin. Duket se s’do kemi shumë kohë gjatë gushtit, do flasim ditët në vijim. Presim me padurim.
Edi Rama: Ajo çfarë ju thatë është muzikë për veshët tanë. Kjo është gjithçka çfarë kemi kërkuar, për t’u ulur dhe bërë realitet në mënyrën më të mirë.
Jo që të thuhet pa filluar ende, “jo, nuk duhet ta bëni. Jeni shumë të ndërlikuar, jeni një vend i dyshimtë”. Kjo është e papranueshme.
Për pjesën tjetër jemi të hapur të ulemi me ekspertët më të mirë. BE është plot me ekspertë, s’do keni probleme të na gjeni për të na ndihmuar.
Është një draft ndryshe nga ai që kishim vite më parë. Kemi trajtuar pika të ndryshme që janë ngritur nga BE dhe të tjerët në takime informale.
Ju kurrë nuk do të thoni bëjeni se kjo është e shkëlqyer për t’u bërë, po kërkojmë vetëm respekt dhe për atë mundësinë e dyshimit, siç tha edhe miku ynë britanik, zbatimi do të tregojë sesa të aftë jemi për të bërë saktësisht atë çka është shkruar në ligj.
E meritojmë të na jepet mundësia dhe fakti është që jemi në shtëpinë tonë, jeni të mirëpritur si askund tjetër. Nuk kemi sekrete, ku nuk kemi axhenda që janë ndryshe nga partnerët tonë atlantikë.
Ne punojmë, ju na monitoroni, kjo është mirë, kjo jo, por mos guxoni të na thoni mos e bëni, kjo nuk është e mirë.
Rama: Kush kritikon e ka bërë më parë në vendin e vet, s’na bëjnë dot budallenj
Për kryeministrin Edi Rama, të gjitha kritikat që të huajt kanë bërë për projektligjin e amnistisë fiskale nuk janë të sinqerta, sepse sipas tij këto vende kanë bërë të njëjtën gjë në kohë të ndryshme. Këtë qëndrim Rama e bëri nga konsultimi publik që zhvilloi për amnistinë me grupet e bizneseve, ku të pranishëm ishin edhe përfaqësuesit e ambasadave më të rëndësishme në vend.
Rama i ftoi që t’i sjellin ligjet që ata kanë miratuar për amnistinë në vendet e tyre, dhe ‘u dha fjalën’ që do ta ndryshojë ligjin nëse ata i kanë pasur me kushte më të ashpra. Por, pas këtij ‘premtimi’, kreu i qeverisë nuk kurseu as ironitë teksa tha se është i bindur që nuk do të na ndihmojnë dot, pasi në vendet e tyre e kanë pasur ligjin më demokratik sesa projektligji që qeveria ynë ka hartuar.
“Të gjithë partnerëve iu them, nëse ju i keni më të shtrënguar i bëjmë si ju. Askush nuk i ka më të shtrënguara si ky që është si Shqipërisë, amnisti penale dhe fiskale flas. Sillni ju dhe ne do i fusin në ligj pa kushte. I keni shumë demokratike amastitë dhe s’do na ndihmoni dot për t’i shtrënguar”, tha Rama.
Mungesë respekti për sovranitetin e vendit, e ka quajtur Rama qëndrimin e Dhomës Amerikane të Tregtisë, sipas së cilës amnistia fiskale rrezikon pastrimin e parave të krimit.
“Të çohet Dhoma e Tregtisë me flamuj të vendeve partnere dhe të bëjnë flet rrufe për këtë iniciativë të qeverisë kjo është vetëm mungesë respekti për sovranitetin dinjitetin dhe të drejtën e shqiptarëve për të pasur ambiciet e saj. Institucionet financiare mund të kenë kundërshtimet e tyre, të luftës kundër krimit, patjetër, po dhoma tregtie”, vijoi Rama./m.j
