Numri i ekzekutimeve në botë shënoi vitin e kaluar nivelin më të lartë që nga viti 1981, sipas raportit të “Amnesty International”.
Një rritje e nxitur kryesisht nga Irani, ku ekzekutimet u dyfishuan vitin e kaluar. Organizata për të drejtat e njeriut raportoi të paktën 2 707 ekzekutime në mbarë botën në vitin 2025; por kjo shifër nuk përfshin mijëra ekzekutime që ndodhën në Kinë, “vendi që Amnesty beson se kryen më shumë ekzekutime në botë”, shkruan A2.
Numri i personave të ekzekutuar në mbarë botën u rrit me 78%, duke arritur nivelin më të lartë që nga viti 1981, kur OJQ-ja numëroi 3 191 ekzekutime, duke përjashtuar Kinën. Irani përbënte 80% të ekzekutimeve të regjistruara nga Amnesty në vitin 2025. Të paktën 2,159 u varën, nga 972 në vitin 2024.
“Autoritetet iraniane kanë intensifikuar përdorimin e dënimit me vdekje”, të cilin e përdorin si një “mjet shtypjeje dhe kontrolli politik”, duke rezultuar në “një rritje të lartë të numrit të ekzekutimeve”, thuhet në raport.
Ekzekutimet janë rritur ndjeshëm, veçanërisht pas luftës kundër Iranit të nisur nga Izraeli dhe SHBA-të në qershor.
