Media në Shqipëri është nën presion dhe e manipuluar nga interesat politike dhe të biznesit, gazetarët luftojnë për të qenë të paanshëm në një mjedis në të cilin ka pak mbrojtje dhe ballafaqohen me probleme për te marre pagat. Kështu shprehet ambasadori i OSBE-së Florian Raunig në një intervistë për ‘Birn’.
Ai shton se një rast i tillë është transmetuesi publik shqiptar, RTSH, i cili ka luftuar për vite që ta transformojë veten në një stacion të besueshëm dhe profesional, por nuk ka qenë në gjendje për të zgjedhur drejtorin e Përgjithshëm. Kreu i Prezencës së OSBE-së në Shqipëri, thotë se kjo ka kontribuar në një situatë në të cilën RTSH ka vështirësi të mëdha në përmbushjen e rolit të saj në shërbim të publikut në sigurimin e të informacionit të paanshëm të besueshëm, programe edukative dhe argëtuese cilësore. Sa i përket reformës gjyqësore, kreu i misionit të OSBE-së, thotë se kjo organizatë së bashku me të tjera ndërkombëtare dhe qeveritë e huaja, ka mbështetur një riorganizim të sistemit te korruptuar të drejtësisë ne Shqipëri.
Raunig beson se reforma është një mundësi për të riformuar rrënjësisht sistemin gjyqësor shqiptar për t’i shërbyer më mirë qytetarëve dhe për të luftuar korrupsionin e shfrenuar. “Paketa e reformës gjithëpërfshirëse është përgatitur nga ekspertë kombëtarë dhe ndërkombëtarë dhe vlerësohet nga Komisioni i Venecias. Ajo është tani në dorën e politikës shqiptare për të marrë hapin e ardhshëm drejt një marrëveshje qe do t’i hape rrugën fazës së implementimit”, -thotë ai. Raunig beson se zbatimi i reformës përmes rregullave të reja, procedurave, sistemeve te menaxhimit, kritereve te rekrutimit dhe trajnimit të plotë për stafin do të jetë vendimtar.
