Deputeti socialist Fidel Ylli ka hedhur akuza kundër ish drejtoreshës së Agjensisë së Shërbimit të Sporteve Klodiana Shala për përvetësimin e një fondi prej rreth 520 milionë lekësh, akorduar në kohën e qeverisë Berisha.
“Në investimet në sport jemi 20 për qind më pak se Maqedonia, 30 për qind më pak se vendet ballkanike.
E kuptoni që kemi ngelur me pallatin e sportit të Petrit Dumes, një hangar avionësh dhe nuk është bërë asnjë. Dhe po të them unë abuzimet që ka bërë qeveria ‘Berisha’ në këto vite, ju do të habiteni. i kam këtu me fakte dhe argumente.
Si rasti kur i jepnin para’ kësaj topmodeles Klodiana Shalës, drejtoreshë e qendrës. 520 milionë lekë, ndërkohë që kishte dalë që stadiumi “Qemal Stafa” do të prishej.
Dhe hodhën 500 milionë lekë për të rregulluar poshtë stadiumit dy palestra. A e kuptoni se çfarë kanë bëra këta? Jua jap me fakte dhe me argumente”, ka thënë ai.
Deklarata e deputetit socialist është bërë në emisionin “Procesi sportiv”.
