Ambasadori i Britanisë së Madhe në Shqipëri, Duncan Norman, ka deklaruar sot se vullneti i shqiptarëve nuk është respektuar si duhet edhe pse demokracia në vitet e fundit ka pasur përmirësime.
Në konferencën “Kostot e demokracisë-II; Paratë në politike dhe integriteti zgjedhor“, Norman u shpreh se janë bërë shumë gabime dhe zgjedhjet e 25 Prillit do të jenë shumë deçizive dhe do të shihet me kujdes financimi i partive politike në fushatë.
“Në vitet e fundit demokracia në Shqipëri ka bërë progres, por pavarësisht progresit të demokracisë në vite, vullneti i popullit shqiptar ende nuk po respektohet plotësisht. Kushtetuta kërkon që vullneti i qytetarëve të respektohet, por shumë gabime janë bërë, pasi ka pasur keqpërdorim të pasurive publike dhe vjedhje të votave. Financimi i partive politike është shumë jetike dhe zgjedhjet e 25 Prillit do të jenë shumë deçizive”, u shpreh ai.
Më ambasadori tha se “Qeveria britanike synon që zgjedhjet e 25 Prillit të jenë më të mirat deri tani dhe me partnerët tanë të jenë një hap i rëndësishëm i zhvillimit të demokracisë në Shqipërisë”.
Edhe ambasadorja e SHBA në Tiranë, Yuri Kim, u ka bërë thirrja partive politike që të kenë kujdes me kandidatët pasi qytetarët nuk duan të votojnë kriminelë.
/a.r
