Presidenti i Republikës, Bujar Nishani, pranoi të enjten letrat kredenciale të ambasadorit të Mbretërisë së Bashkuar, Duncan Norman, rezident në Tiranë.
Ambasadori Norman, me nje karrierë në diplomacinë britanike që nga viti 1990, pason në këtë detyrë Nicholas Cannon, i cili mbylli misionin diplomatik në Shqipëri në muajin qershor, pas një periudhe katërvjeçare.
Në përfundim të misionit, Cannon u vlerësua nga autoritetet shqiptare për kontributin e dhënë në intensifikimin e gjithanshëm të marrëdhënieve mes Britanisë së Madhe dhe Shqipërisë, sidomos në çështjet e sigurisë dhe përmirësimit të standardeve demokratike në vend.
