Ish-sulmuesi i Neëcastle Unitedit Alan Shearer ka kritikuar Manchester Unitedin nën drejtimin e Louis van Gaalit, që sipas tij nuk kanë bërë asnjë progres. Në verën e vitit 2014 Van Gaal kishte zëvendësuar të shkarkuarin David Moyes dhe përkundër shpenzimeve të më shumë se 320 milionë eurove ekipi i tij mund të mos arrijë kualifikimin në Ligën e Kampionëve në këtë sezon, transmeton Koha.net. “Nuk mendoj se Unitedi kanë përparuar që nga koha kur Van Gaal është bërë trajner. Nuk shohë aspak progres përkundër që ka shpenzuar afër 320 milionë euro. Por, tani çka është shumë alarmante është spekulimet që e lidhin Mourinhon me një kalim në United, asnjë prej hierarkisë së këtij klubi nuk i ka mohuar këto spekulime”, ka thënë Shearer.
