E gjendur vazhdimisht mes pyetjeve për jetën private, Çiljeta ka treguar së fundi, në një rrëfim për “Expres Rozë” se partneri i saj nuk ka dëshirë të jetë pjesë e ekranit apo mediave. Këngëtarja tregon se nuk një familje të shëndoshë, tipike shqiptare, por kjo është një zgjedhje që ajo e ka bërë vetë.
“Ai është një njeri që nuk ka dëshirë të jetë pjesë e ekranit, e gazetave apo e shtypit rozë. Nuk i ka pëlqyer kurrë kjo gjëja. Është një njeri me rëndësi në jetën e tij dhe nuk ka dëshirë të jetë pjesë e gazetave. Ne kemi një marrëdhënie shumë të mirë, na lidh një fëmijë bashkë. Ai ikën dhe vjen në Shqipëri, ikën rri atje, vjen prapë këtu, kështu që nuk është se kam një familje 100 për qind të shëndoshë, një familje tipike shqiptare që jetojmë 24 orë bashkë, por unë e kam bërë këtë zgjedhjen time vetë dhe jam shumë e lumtur që për këtë zgjedhje që kam bërë, sepse kam marrë një fëmijë shumë të bukur, shumë të shëndetshëm dhe me shumë dashuri nga kjo marrëdhënie. Ai është babai i fëmijës tim dhe unë ndihem shumë mirë me këtë lloj marrëdhënie që kam me të”, deklaroi Çiljeta.
