Deputeti socialist e njëherësh kryetari i komisionit parlamentar të ekonomisë Etjon Braçe ka reaguar në lidhje me akuzat e opozitës për ndërtimin e një porti në Karpen të Kavajës, që sipas PD-së I është dhënë me konçension një kompanie fantazëm.
“Dua te bej me dije se Kuvendi nuk ka votuar asnjë marrëveshje. Sepse nuk ka asnjë marrëveshje. Kuvendi ka autorizuar Qeverinë- Ministrinë e Ekonomisë të hyjë në diskutime për të vlerësuar nëse ka kushte për të arritur në një marrëveshje” -shkruan Brace në rrjetin e tij social.
Deputeti socialist i është përgjigjur dhe akuzave të hedhura nga demokrati Flamur Noka, I cili pretendonte se rruga e Shishtavecit është vjedhur nga kryeministri Edi Rama, pavarësisht seprojekti është bërë në kohën kur në krye të qeverisë ishte Berisha.
“Për nevoja elektorale, qeveria e Sali Berishës kishte hapur qindra kantiere, me vepra qe financoheshin me 1 milion lekë të reja. Kjo rruga e Shishtavecit kishte ne buxhet vetëm 5 milionë lekë. As që e vë në diskutim se rruga u prokurua nën qeverinë e Sali Berishës, tenderin ata e bënë, por në buxhet kishte për të vetëm 5 milionë lekë”- përfundon Braçe./java/a.k
