Lirimi i hapësirave publike të zëna në mënyrë të jashtëligjshme në plazhin e Velipojës, ka qenë objekti i aksionit të zhvilluar që në orët e para të së dielës i Policisë bashkiake të Shkodrës.
Sipas kreut të kësaj policie, hapësirat e plazheve do të kontrollohen çdo ditë nga një grup i posaçëm i policisë bashkiake.
Zënia e hapësirave në plazhin e Velipojës në disa raste janë bërë shkak edhe për ngjarje të rënda me pasojë vdekjen mes pronarëve të hoteleve.
Nderkohe Policia njofton se një automjet që kryente manovra të rrezikshme në zonën e rërës në plazhin e Velipojës është ndaluar menjëherë nga autoritetet, pasi rrezikonte sigurinë e pushuesve.
Policia e Shtetit, në bashkëpunim me Policinë Bashkiake, ndërhyri me shpejtësi, duke bllokuar mjetin dhe duke marrë masa administrative ndaj drejtuesit të tij.
Autoritetet njoftojnë se nuk do të tolerohet asnjë veprim që cenon rendin, sigurinë dhe qetësinë publike, veçanërisht gjatë sezonit turistik. Strukturat e rendit mbeten të angazhuara për të garantuar një ambient të sigurt për pushuesit në të gjitha zonat bregdetare.
