Një prej makinave të eskortës së firmës private të sigurisë “EuroGjici” e cila ka qenë në shoqërim të makinës së blinduar më para është përplasur nga një automjet në zonën e njohur si ‘Yzberisht’, në Tiranë.
Pas përplasjes, shoferi i automjetit me targa AA 068 KM, ka dalë nga automjeti dhe ka dhunuar punonjësin e kompanisë së sigurisë private.
Burime nga policia i thanë Gazeta Express se personi në fjalë, ka thirrur edhe një person tjetër, ku të dy janë konfliktuar me punonjësin e ” EuroGjicit”.
Pas sherrit, ai është larguar nga vendi i ngjarjes, ndërkohë që në ndjekje të tij është vënë një nga makinat e kompanisë së sigurisë private, por pa mundur që ta arrijë.
Menjëherë pas ngjarjes, rasti është denoncuar në polici nga kompania në fjale, ku personi është shpallur në kërkimi. /a.m.
