Një efektiv policie në detyrë ka ndërruar jetë dhe tre kolegë të tij janë plagosur pasi mjeti i tyre i punës, tip “Mitsubishi” me targa Policia 0305, ka dalë nga rruga.
Ngjarja e rëndë ka ndodhur në aksin Korçë-Devoll, në fshatin Fitore.
Mësohet se efektivi që ka humbur jetën është 27-vjeçari, Lorent Duli
27-vjeçari po drejtonte makinën e Policisë ka dalë nga rruga duke i marrë jetën.
Efektivët e policisë në momentin kur ndodhi ngjarja kishin përfunduar së kryeri kontroll territori mbi parandalimin e kultivimit të lëndëve narkotike, në zonat e Devollit të Sipërm dhe po ktheheshin nga shërbimi.
Shkaku paraprak i aksidentit dyshohet të ketë qenë humbja e kontrollit nga ana e drejtuesit, punonjësit i cili humbi jetën.
(FOTO E VIKTIMES)
Policia
Më datë 31.05.2017, jemi njoftuar se në afërsi të fshatit Fitore mjeti tip “Mitsubishi” me targa Policia 0305, ka dalë nga rruga dhe për pasojë ka ndërruar jetë punonjësi i Policisë shtetasi Lorent Duli, 27 vjeç, (me detyrë SPZ në njësinë administrative Miras) si dhe janë plagosur tre punonjës të tjerë shërbimi të cilët janë duke marrë mjekim në Spitalin e Bilishtit.
Punonjësit e lartpërmëndur në momentin kur ka ndodhur ngjarja, kishin përfunduar së kryeri kontroll territori mbi parandalimin e kultivimit të lëndëve narkotike, në zonat e Devollit të Sipërm dhe po ktheheshin nga shërbimi.
Shkaku paraprak i aksidentit dyshohet të ketë qenë humbja e kontrollit nga ana e drejtuesit, punonjësit i cili humbi jetën.
Grupi hetimor po punon për zbardhjen e rrethanave të aksidentit./javanews.al/a.ç
