Digjet një automjet në aksin Lezhë-Shkodër, pranë kryqëzimit të Blinishtit, dyshohet për 3 të vdekur. Nga të dhënat paraprake thuhet se makina tip BMW, ka dalë fillimisht nga rruga e më pas është përfshirë nga flakët.
Ende nuk dihen emrat e viktimave, por po punohet për identifikimin e tyre. Ndërkohë mësohet se në automjet udhëtonte edhe një person i katërt dhe që ka marrë plagë në pjesë të ndryshme të trupit. Ai është dërguar në spital me mjete të rastit dhe gjendja shëndetësore e tij nuk bëhet e ditur.
Në vendin e ngjarjes kanë shkuar forca të shumta policore, ambulancat dhe shërbimi zjarrfikës. Prej aksidentit është shkaktuar trafik në rrugë. Ndërkaq grupi hetimor ka nisur punën për zbardhjen e shkaqeve të aksidenti tragjik.
