Një aksident rrugor me pasojë vdekjen e një gruaje është raportuar sot në Gjirokastër. Ngjarja ka ndodhur pranë Viroit ku një automjet tip “Seat” me targa greke i drejtuar nga një femër, u përplas me një fadromë. Si pasojë e përplasjes humbi jetën drejtuesja e mjetit.
Të dhënat lidhur me këtë ngjarje janë ende të pakta, ndërsa paraprakisht dyshohet se shkak për përplasjen ishte shpejtësia e madhe me të cilën lëvizte mjeti. Uniformat blu mbërritën në vendin e ngjarjes dhe po punojnë për të hedhur dritë lidhur me gjithë sa ka ndodhur.
