Një aksident tjetër, që la pas dy të plagosur, është regjistruar në orët e mbrëmjes në aksin rrugor Lezhë-Milot.
Aksidenti ndodhi pranë urës mbi lumin Drin.
Mësohet se nga aksidenti janë plagosur dy drejtuesit e mjeteve, të cilët janë dërguar në spital.
Nga aksidenti, raportohet se në të dyja anët rruga u bllokua për rreth 30 minuta.
Policia ndodhet në vendngjarje dhe po punon për zbardhjen e rrethanave të aksidentit.
