Zëvendëskryeminstri Erjon Braçe ka ngritur zërin kundër dhunës ndaj grave, duke iu drejtuar burrave me një mesazh të fortë.
Vrasja e ndodhur në Paskuqan, ku 39-vjeçarja u vra nga kunati i saj u bë shkak që zv/kryeministri të reagojë duke apeluar ndaj “burrërisë” së atyre që u marrin jetën vajzave e grave. Ai thotë se kjo javë mbyllet me një vrasje, që rikthen barbarinë “burrërore” kundër grave e vajzave në këtë vend.
“Java që mbyllet sot, riktheu barbarinë tonë “burrërore” kundër grave e vajzave në këtë vend! Pas çdo krimi qëndron një kriminel, pas çdo vrasje të një gruaje, vajze, qëndron një…”, -thotë Braçe.
Reagimin e tij, Braçe thotë se respekti, dinjiteti dhe dashuria ndaj një gruaje nuk e zhbën “burrërinë”. Për këtë, ai sjell në vëmendje një foto të një prej kompozitorëve më të mëdhenj në Itali, Ennio Morricone duke puthur me përulje dhe respekt dorën e presidentes së Senatit të Italisë, Elisabetta Alberti Casellati.
“KËSHTU PUTHET NJË GRUA!
Java që mbyllet sot,
riktheu barbarinë tonë “burrërore” kundër grave e vajzave në këtë vend!
Pas çdo krimi qëndron një kriminel,
pas çdo vrasje të një gruaje, vajzë, qëndron një barbar!
Gjithçka nis tek edukimi rreth respektit,
dinjitetit, kulturës;
Dashuri është por dashuria nuk mësohet!
Zotëria në foto është një “tingull dashurie”- Ennio Morricone,
një prej kompozitoreve më të mëdhenj lumturisht në jetë;
Zonja në foto është presidentja e Senatit të Italisë, Casellati;
Shihni e mësoni, respektin e elegancën e këtij burri tek puth dorën e një gruaje!
Të ngresh dorën e të mbysësh një grua, në këtë vend është bërë e thjeshtë.
Po këtë, këtë që sheh në foto a e bën dot?
Nuk të zhbën, nuk të humb burrëria prej respektit, dinjitetit, dashurisë,
mbaje mend këtë!
Dua ta sjell tingullin e jashtëzakonshëm të Ennio Morricone si homazh për gratë e vajzat që barbaria burrërore ju mori jetën këtë javë!
Dëgjoje!
Mbase kupton çfarë ke bërë!
