Një aksident rrugor është regjistruar pasditen e kësaj të enjteje në lagjen nr.1 të Durrësit.
Një automjet tip “Fuoristradë” ka përplasur pesë makina të tjera të parkuara në anë të rrugës.
Edhe pse e regjistruar në një prej zonave më të populluara të qytetit, fatmirësisht nga përplasja nuk raportohet për persona të lënduar, përveç dëmeve të konsiderueshme materiale.
Policia ndodhet në vendngjarje dhe po punon për zbardhjen e plotë të rrethanave, në të cilat u regjistrua aksidenti.