Pas publikimit të raportit të Bankës Botërore në lidhje me klimën e biznesit, ku Shqipëria ka rënë me 35 vende në rankim, ka reaguar në një dalje publike Ministri i Ekonomisë, Arben Ahmetaj, i cili ka sqaruar se rezultati ishte i pritshëm, në kushtet kur qeveria ka ndërrmarrë masa në lidhje me dhënien e lejeve të ndërtimit dhe masat fiskale.
Sipas Ministrit të Ekonomisë kanë qenë këto dy indikatorë që kanë çuar Shqipërinë në uljen e rankimit të BB, edhe pse sipas Ahmetajt, ekonomia shqiptare ka hyrë në “një rrugë të qëndrueshme reformash agresive që do të ndihmojnë konkurrueshmërinë”
Ahmetaj ka shtuar se “Shqipëria nuk ka humbur vende në raport me vetveten” dhe se qeveria ka “hartuar një paketë të mirë ligjore që rezultatet e së cilës do i shohim vitin e ardhshëm”.
Në raportin e Bankës Botërore, ulja e shqipërinë në lidhje me “Doing Business” erdhi si rezultat i përkeqësimit në lejet e ndërtimit dhe pagesës së taksave.
